Sherrie Silver yahiguye umuhigo yiyemeje wo kugurira inzu abana yakuye ku muhanda (Amafoto)

Sherrie Silver, umubyinnyi w’umunyarwanda umaze kumenyekana cyane ku rwego mpuzamahanga, yaguze inzu nshya yo gutuzamo abana bahoze baba mu buzima buteye agahinda bwo ku muhanda.

Uyu umunyarwandakazi uvuka mu Karere ka Huye, ariko wakuriye mu Bwongereza, amaze kwamamara mu kubyinira abahanzi bakomeye ku Isi mu ndirimbo zabo, ndetse aheruka no kuyobora no kugaragara mu mbyino z’iyitwa ’This Is America’ ya Childish Gambino yaciye ibintu mu mwaka ushize ikamuhesha ibihembo bikomeye birimo ibya MTV.

Sherrie Silver amaze iminsi mu Rwanda, aho yaje gusangira iminsi mikuru n’abana batishoboye no gukurikirana iby’abo afasha babaga mu bukode kuri ubu akaba yarabaguriye inzu iherereye mu Murenge wa Nyakabanda, mu Karere ka Nyarugenge.

Mu butumwa yanyujije kuri Instagram yavuze ko abana bagombaga kuva mu nzu bari bamazemo igihe, kuri ubu bameze neza mu rugo rushya kandi batazakurwamo.

Yagize ati “Twasize urugo rucyuye igihe rwa Children Of Destiny uyu munsi gusa tumeze neza […] Abana gusohoka mu nzu uyu munsi gusa noneho inzu nshya ni iyaguzwe burundu. Haracyari akazi kenshi ko kuyikoraho ariko bizagenda bikunda.”

Yashimiye by’umwihariko abakomeje gutanga inkunga yabo muri ibi bikorwa ndetse n’abamufashije kwimura aba abana bahoze ku muhanda afasha mu Rwanda.

Inzu aba bana babagamo bagiye kuyivamo bitewe n’uko iyo babagamo mbere nyirayo yari akeneye kuyigurisha. Inzu nshya byamusabye kuyivugurura mu bushobozi bwe n’inkunga akusanya binyuze ku rubuga rwitwa donorbox.

Sherrie Silver yatangiye ibi bikorwa byo gufasha kuva mu mwaka wa 2016. Yafashe aba bane (abahungu batatu n’umukobwa umwe) babaga ku muhanda, abashakira inzu n’umuryango nawo utari wishoboye uzajya ubitaho. Ibikorwa byo gufasha abikorera no mu bindi bihugu birimo na Nigeria.


394 total views, 1 views today

Facebook Comments
Share Button

Subscribe now

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published.