Tour du Rwanda 2021 izatwara miliyoni 800, inzira ya Rubavu iri muzakuwemo

Ishyirahamwe ry’umukino w’amagare mu Rwanda (FERWACY) n’abandi bafatanyabikorwa bayo bose bari mu muhango wo kureba inzira n’izindi gahunda zose zizaba zigize Tour du Rwanda 2021 izatangira tariki 21-28 Gashyantare 2021.

Abanyarwanda n’abandi bakunzi b’uyu mukino bari bafite amatsiko yo kumenya amakipe akomeye n’ayasanzwe azitabira Tour du Rwanda 2021 , isiganwa rizaba rikinwa ku nshuro ya 13 kuva mu 2009 ariko bikazaba ari ku nshuro ya 3 riri kuri 2.1 kuva mu 2019.

Tour du Rwanda 2021 izaba iba hategerejwe kureba uwusimbura Tesfazion Nathaniel (Erythrea) watwaye Tour du Rwanda 2020 akurikirwa na Mugisha Moise ukinira SKOL Adrien Cycling Academy (SACA Team).

Mbere y’uko Murenzi Abdallah Perezida wa FERWACY atangiza umuhango, habanje kubaho umwanya (umunota umwe) wo kwibuka Karemera Pierre wayoboye iri shyirahamwe 1994-2002 akaba aheruka kwitaba Imana.

Mu baterankunga bazakorana na Tour du Rwanda 2021 harimo; SKOL umuterankunga mukuru, Rwanda Tea, SP, Gorilla Games, Inyange Ltd, Prime Insurance, Rwanda Air, Bella Flowers, RSSB, Horizon Express, G-Skin…

Kamuzinzi Fred umuyobozi wa Tour du Rwanda yagaragaje uko isiganwa riheruka ryagenze ndetse agaruka ku baterankunga bazaba bari muri Tour du Rwanda 2021. RSSB nibo baterankunga bashya bazaba bari muri Tour du Rwanda 2021.
Kamuzinzi avuga ko uretse abaterankunga basanzwe hari abandi bakivugana bazamenyekana muri Mutarama 2021.

Visit Rwanda niyo izaba yambikwa umukinnyi ufite umwenda w’umuhondo bivuye kuri Rwanda Tea yambarwaga mu 2020.

Mu myaka yabanjirije, Umwenda w’umuhondo wabaga ari uwa Ministeri ya siporo.

Olivier Grand Jean impuguke mu gutegura amarushanwa mpuzamahanga, afashe umwanya kugira ngo agaragaze amakipe n’imihanda izakoreshwa muri Tour du Rwanda 2021.

Kugeza ubu bakiriye amakipe arenga 32 yasabye kwitabira ariko bakaba barafasha 15 mu gihe andi 2 asigaye azamenyekana muri Mutarama 2021.

Uduce twa Tour du Rwanda 2021:

Etape 1: Kigali Arena-Rwamagana: 115’6 km

Etape 2: Kigali (MIC)-Huye: 120,5 Km

Etape 3: Nyanza-Gicumbi: 171,6 Km ..Agace kanini ka Tour du Rwanda 2021.

Etape 4: Kigali (Kimironko)-Musanze : 123,9 Km

Etape5 : Nyagatare-Kigali : 149,3 Km

Etape 6: Kigali-Kigali: 152,6 Km

Etape 7: Kigali-Kigali: 4,5 Km (ITT)

Etape 8: Kigali (Canal Olympia) Kigali (Canal Olympia): 75, 3 Km

Tour du Rwanda 2021 izaba ifite ingengo y’imari ya miliyoni magana inani z’amafaranga y’u Rwanda (800,000,000 FRW) nk’uko Murenzi Abdallah yabisobanuriya abanyamakuru.

Gusa Murenzi avuga ko aya mafaranga ashobora kwiyongera bitewe no gushyira mu bikorwa Ingamba zo kwirinda ikwirakwira rya COVID-19.

Amakipe 15 amaze kwemererwa kuzitabira Tour du Rwanda 2021:

Israel Start Up Nation, Total Direct Energie, Androni Giocatoli, Team B&B Hotels, SACA Team, Team Novo Nordisk, Benediction Ignite, Team Medellin, Team TSG Terregganu, Team Rwanda, Team Algeria, Team Ethiopia, Team Bike Aid, VINO Astana Motors & Team Pro Touch.

Mu makipe kugeza ubu azitabira Tour du Rwanda 2021, ntiharimo ikipe y’igihugu ya Erythrea ifite iri siganwa.

Olivier Grand Jean yavuze ko iki gihugu kitigeze kigaragaza ubushake bwo kwitabira iri siganwa.

Src/Halftime.rw

850 total views, 1 views today

Facebook Comments
Share Button

Subscribe now

k

auto ads

Recommended For You

About the Author: SHUMBUSHO Josue

Leave a Reply

Your email address will not be published.