U Rwanda mu mateka y’isi rwohereje icyogajuru cya mbere cyiswe Icyerekezo mw’isanzure

Kw’isaha ya 23:37 z’iri joro u Rwanda ku bufatanye n’Ikigo cya OneWeb, bohereje icyogajuru cya mbere cy’u Rwanda mu kirere, icyo cyogajuru kikaba cyariswe Icyerekezo.

Iryo zina ry’Icyerekezo ryatanzwe n’abanyeshuri bo mu kirwa cya Nkombo kiri mu kiyaga cya Kivu, nk’uko bitangazwa na Minsiteri y’Ikoranabuihanga (MINICT).

Kohereza icyo cyogajuru byitezweho gufasha mu kugeza interineti mu bigo byose by’amashuri, ndetse no gutuma abanyeshuri bakangukira kwiga amasomo ajyanye n’ubumenyi bw’ibyogajuru.

U Rwanda rukomeje kwimakaza ikoranabuhanga nk’imwe mu nkingi z’iterambere rigamije guhindura imibereho y’abaturage.

MINICT ivuga ko mu kohereza icyogajuru mu kirere, hagamijwe gutegura urubyiruko kugira ngo rubashe gufasha igihugu kuba igicumbi mpuzamahanga cy’ikoranabuhanga.

Kuri ubu, ikwirakwizwa rya interineti ya 3G rigeze ku ijanisha rya 92% ku rwego rw’igihugu, mu gihe irya 4G LTE rigeze ku gipimo cya 96.6%.

U Rwanda rufatanyije na OneWeb, ikigo mpuzamahanga kizobereye mu bijyanye n’ibyogajuru, bizera ko ikoranabuhanga rituma ubukungu budindira n’iterambere muri rusange.

Minisitiri w’Ikoranabuhanga, Ingabire Paula, yavuze ko kuba abana bo ku Nkombo barise iki cyogajuru Icyerekezo, bigaragaza ko na bo basobanukiwe umumaro w’ikoranabuhanga.

Minisitiri w’Uburezi, Dr Mutimura Eugene, yashimye iki cyogajuru cyoherejwe kigiye mu kirere, avuga ko bizafasha mu rugamba Leta irimo rwo kwimakaza ikoranabuhanga mu myigishirize.

 737 total views,  1 views today

Facebook Comments
Share Button

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published. Required fields are marked *