Umukunzi wa Rwatubyaye yahishuye ko bamaze gusezerana kubana nk’umugore n’umugabo

Hamida wiyita Independent kuri Instagram usanzwe ari umukunzi wa myugariro wo hagati mu kipe ya FC Shkupi yo muri Macedonie, yahishuye ko yamaze gusezerana na Rwatubyaye Abdoul imbere y’Imana kuzabana akaramata.

Urukundo rw’aba bombi rwavuzwe cyane mu mwaka ushize, aho Rwatubyaye na Hamida bagiye bagaragaza ko buri umwe yishimiye urukundo ahabwa na mugenzi we.
Kuri uyu wa Gatandatu, nibwo Hamida wiyongereyeho izina rya Rwatubyaye, ubwo yaganiraga n’abakunzi be kuri Instagram yahishuye ko aba bombi bamaze gusezerana imbere y’Imana.

Ubwo yari abajijwe niba yaba yarasezeranye mu mategeko, Hamida yasubije ko we na Rwatubyaye bamaze gusezerana imbere y’Imana.

Ati “Imbere y’Imana ni byo byarabaye. Imbere y’amategeko bizaba mu minsi iri imbere.“

Amakuru IGIHE yamenye, ni uko aba bombi basezeranye mbere gato y’uko abayislamu batangira igisibo cya Ramadhan cyatangiya tariki 13 Mata 2021.

Urukundo rw’aba bombi rukaba rwatangiye muri 2019 nyuma y’uko Rwatubyaye Abdul atandukanye na Chelina bakundanye kuva mu ntangiriro za 2018 ariko ntibamarana igihe.

Mu mgambo ye yivugira ko Rwatubyaye Abdul ari umugabo we ndetse n’iyo urebye ibimwerekeyeho ku rukuta rwe rwa Instagram yanditsemo ko ari umugore wa Rwatubyaye Abdul(Mrs Rwatubyaye Abdul).

Uyu mukunzi wa Rwatubyaye atuye muri Indonesia, akaba asanzwe afite abana babiri batari ab’uyu myugariro. Imfura ye ifite imyaka icyenda, uwa kabiri afite imyaka itatu.

Rwatubyaye, mu Rwanda yakiniye Isonga FC, APR FC na Rayon Sports FC na Colorado Springs Switchbacks muri Leta Zunze Ubumwe za Amerika.

Ibyiyumvo bye kuri Rwatubyaye, akunda kubisangiza inshuti kuri Instagram

Yahamije ko bamaze gusezerana imbere y’Imana. Avuga imbere y’amategeko ari mu minsi iri imbere

Hamida yihebeye myugariro, Rwatubyaye Abdoul

Hamida akunda kugaragaza amarangamutima ye y’urukundo akunda Rwatubyaye

626 total views, 1 views today

Facebook Comments
Share Button

Subscribe now

k

auto ads

Recommended For You

About the Author: kalisa john

Leave a Reply

Your email address will not be published.