Umunyarwandakazi Nyirarukundo Salome yegukanye akayabo k’Ibihumbi 11 by’amadorali muri Marathon ya Montreal

Umunyarwandakazi Nyirarukundo Salome yitwaye neza mu isiganwa mpuzamahanga rizenguruka umujyi wa Montreal muri Canada ‘Marathon de Montréal’, yabaye kuri iki cyumweru yegukana umwanya wa mbere mu bagore n’ibihumbi 11 by’amadolari.

Iri siganwa Ni rimwe mu marushanwa mpuzamahanga akomeye akaba ari ubwa mbere uyu munyarwandakazi umaze gutanga icyizere muri uyu mukino yari aryitabiriye Abasiganwa ibihumbi 12 bari hagati y’imyaka 13 na 82, bavuye mu bihugu 61 bitandukanye ku isi bahuriye mu mujyi wa Montréal

Salome Nyirarukundo yigaranzuye abanya Kenya na Ethiopia bigaruriye Marathon zo ku isi, abakubita inshuro asoza ku mwanya wa mbere akoresheje 2H28’2″.

Nyirarukundo yitwaye neza muri ibi birometero 42,asoza ari ku mwanya wa mbere akurikirwa n’umunya Kenya Joan Kigen wakoresheje 2:31.26, mu gihe Emebet Anteneh wo muri Ethiopia yabaye uwa gatatu akoresha 2:43.24.

Mu cyiciro cy’abagabo nk’ibisanzwe irushanwa ryegukanwe n’umunya Kenya Ezekiel Mutai w’imyaka 25 wakoresheje amasaha 2,iminota 11 n’amasegonda 05,wakurikiwe n’undi munya Kenya Wycliffe Biwott yasize amasegonda 33, mu gihe umunya Rwanda Jean-Marie Vianney-Uwajeneza yabaye uwa Gatatu akoresheje 2:18:10.

 440 total views,  1 views today

Facebook Comments
Share Button

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published. Required fields are marked *