umuyobozi w’umujyi wa Gdansk yatewe icyuma ari mu bikorwa by’urukundo

Pawel Adamowicz, yari umuyobozi wa Gdansk, yitabye Imana azize ibikomere by’icyuma yatewe n’umwe mu baturage ubwo yari mu gikorwa cy’ubugiraneza.

Pawel Adamowicz yatewe icyuma n’umuntu bivugwa ko yari amaze igihe gito avuye muri Gereza

Uyu mugabo yayoboraga umujyi wa Gdansk yatewe icyuma ku cyumweru ari mu gikorwa kigamije gufasha abatishoboye.

Pawel Adamowicz yari afite imyaka 53 y’amavuko, yatewe icyuma ari imbere y’imbaga aho yari yatumiwe mu gikorwa kigamije gushakira ibitaro ubufasha bw’ibikoresho.

Yajyanywe mu Bitaro nyuma yo gukomeretswa cyane mu nda, abaganga bamara igihe bamwitaho.

Umugabo w’imyaka 27 wamuteye icyuma ngo yihishe mu banyamakuru abasha kumugeraho, ariko Polisi yamutaye muri yombi akimara gukora ibara.

Amashusho yerekana uriya mugabo ukekwaho gutera icyuma Mayor wa Gdansk, akaba aherutse kurekurwa na Gereza.

Yazamuye icyuma hejuru arasakuza cyane.

Ngo ashobora kuba yaravuze ko yivuganye “Adamowicz”, akaba yabitewe n’uko ishyaka ryitwa Civic Platform, riyoboye Guverinoma ryashyigikiye Adamowicz ngo yongere atorwe ku mwanya wa Mayor, Leta riyoboye yamufunze arengana.

Uyu mugabo yavuze ko yakorewe iyicarubozo ari muri gereza.

Kuri uyu wa mbere, Minisiteri y’Ubuzima muri Pologne yemeje amakuru y’uko Adamowicz yazize ibikomere.

Lukasz Szumowski yatangarije abanyamakuru ko kuvura uruya mugabo ngo akire byananiranye.

Pawel Adamowicz yari mu gikorwa ngarukamwaka cyitwa Great Orchestra of Christmas charity, kigamije gushakisha amafaranga yo gutera inkunga ibitaro ngo bibashe kubona ibikoresho.

Mbere gato y’uko aterwa icyuma, Adamowicz yashyize kuri Instagram ifoto igaragaza aho hantu bari n’ubwitabire bw’abaje muri icyo gikorwa.

Uyu mugabo yayoboye Gdansk imyaka 20.

Amakuru akimara gucicikana ko yatewe icyuma abaturage benshi bagiye aho avurirwa bashaka gutanga amaraso.

Minisitiri w’Intebe, Mateusz Morawiecki yamaganye urupfu rwa Adamowicz, avuga ko ari amakuba ku gihugu.

Harateganywa imyigaragambyo mu gihugu hose yo kwamagana urugomo.

317 total views, 1 views today

Facebook Comments
Share Button

Subscribe now

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published.