Umuhanzikazi Sheebah Karungi wo muri Uganda witezwe gutaramira abanyakigali kuri uyu wa gatandatu, yamaze gusesekara I Kigali ndetse n’itsinda ry’abahanzi nyarwanda n’ababyinnyi ririteguye.
Sheebah Karungi ategerejwe mu gitaramo cyiswe “The Keza Camp Out Experience First Edition’’ kizabera muri Camp Kigali mu ijoro ryo ku wa 17 Kanama 2024, Mu rukerera rwo kuri uyu wa Gatatu tariki ya 14 Kanama 2024, Nibwo uyu muhanzikazi uri mu bakunzwe cyane mu gihugu cya Uganda yasesekaye I Kigali.
Sheebah wari utegerejwe i Kigali kuwa kabiri tariki ya 13 Kanama 2024 hajemo impamvu zatumye indege ye ihindurwa urugendo rwe rugahindurirwa ku munsi ukurikiyeho byarangiye ahageze mu rukerera rwo kuri uyu wa gatatu tariki ya 14 Kanama 2024.
Igitaramo Sheebah Kalungi ategerejwemo cyiswe “The Keza Camp Out Experience First Edition’’, Kizaririmbamo abandi bahanzi nyarwanda bakunzwe cyane barimo Bushali na Bwiza.
Ndetse n’ababyinnyi barimo General Benda, Jojo Breezy, Divine Uwa na Shakira Kay bazifashishwa mu gususurutsa abazitabira. DJ Crush na DJ Phil Peter nibo bazavanga imiziki, mu gihe Anita Pendo na MC Tino aribo bazaba abashyushyarugamba muri iki gitaramo.
Kwinjira ni 10.000 Frw, 20.000 Frw, 40.000 Frw ndetse n’ameza ya 400. 000 Frw. Ku bantu bazagurira amatike ku muryango, haziyongeraho 5000 Frw mu gihe ku meza ya 400.000 Frw haziyongeraho 100.000 Frw.
About Author
