Umuhanzi Nemeye Platini usigaye yiyita Baba wahoze mu itsinda rya Dream boys mu gihe hasigaye iminsi mike ngo igitaramo cye yise “Baba Experience kibe yatunguye abakunzi ba muzkia benshi atangaza ko mu bahanzi bazakitabira harimo n’itsinda rya Urban Boys bahoze bahanganye mu myaka yashize aya matsinda yombi atarasenyuka .
Iki gitaramo cya Platini nkuko ni kimwe mu bifite ibisobanuro byinshi mu rugendo rwe rwa muziki nk’umuhanzi ukorana wenyine ntawundi bari kumwe nyuma yaho Mugenzi we batangiranye itsinda rya Dream Boys Mujyanama Clausde uzwi nka TMC yerekereje muri Amerika aho yasanze umuryango we ndetse no gukomerezayo amasomo .
Nyuma yo kugenda kwa TMC ,Platini nk’umuhanzi uzi icyo ashaka yararebye asanga atakwicar ngo areke umuziki ahubwo ahita atangira urugendo rushya rwo gukora wenyine aho yashyize hanze indiri zitari nkeya nka Veronika,Attention ni zindi nyinshi zakunzwe n’abatari bakeya hano mu Rwanda
Ibi byabaye kuri iri tsinda rya Dream Boys byabaye kandi no mu Itsinda rya Uraban Boys aho Safi Madiba yaje kwigira muri Canada asanzeyo umugore hagasigara Humble Jizzo na Nizzo Kaboss ariko nabo batamaze kabiri kuko Humble nawe yaje kwimukira mu gihugu cya Kenya n’umuryango akaba ari atuye ibi byaje gukoma mu nkora Nizzo nawe asa nkuretse umuziki kubera gucika intege.
Nyuma y’igihe kirekire urban boys isabwa kugaruka mu minsi ishize nibwo humble Jizzo yatangaje ko nawe agiye gutangira kujya akora mu umuziki wenyine nyuma yo kuganira na Nizzo ariko bitavuze ko Urban Boys izaba isenyutse yose ko bazajya bakorana nu bundi mu gihe buri umwe yabonye umwanya.
Icyo gihe Humble yatanagarije itangazamakuru ko iyi mikorere ya buri umwe itazakoma mu nkokora iterambere ry’itsinda, kuko rimwe na rimwe bazajya bahura bakorane indirimbo.
Yavuze ati “Ni icyemezo naganiriye na Nizzo. Buri umwe igihe abonye ubushobozi azajya akora indirimbo, ariko kandi dufite imishinga tuzajya duhuriramo nk’itsinda rya Urban Boys. Ni urugendo twifuza ko buri wese agiramo uruhare.”
Ibi biri mu mpamvu zatumye, uyu muhanzi mu minsi ishize ashyira hanze amashusho y’indirimbo yise ‘Fifi’ igaruka ku rukundo rw’umusore n’umukobwa.
Uyu muhanzi avuga ko kuba batumiwe mu gitaramo cya Platini kizaba tariki 30 Werurwe 2024 muri Camp Kigali, biri mu rwego rwo kongera kwiyibutsa ibihe banyuzemo nk’itsinda.
Humble yibutsa ko mu gihe cy’abo na Dream Boys, bahanganye mu buryo bukomeye, ku buryo buri umwe yahoraga akora icyatuma arenga kuri mugenzi we.
Asobanura ko kongera guhurira ku rubyiniro bisasiye ku kugaragaza ko amateka bubatse mu muziki adateze gusibangana.
Avuga ati “Urumva Dream Boys twabayeho duhanganye twese tuyoboye. Rero byari bigoye ko twahurira ku rubyiniro. N’ubwo uyu munsi amatsinda atakiri kumwe ariko n’ubundi amateka abayubatse bagiye guhurira ku rubyiniro.”
Platini [Baba] asobanura ko gutumira Urban Boyz muri iki gitaramo bimeze nko kongera guhurira ku rugamba. Yavuze ati “Bavandimwe twarwananye nyinshi, nishimiye kubana namwe mu gitaramo ‘Baba Experience’. Gusa mwibuka ko tariki 30 ari urundi rugamba.”
About Author
