Umukinnyi Lamine Yamal yanditse amateka yo kuba umukinnyi muto ukinnye Champions League, ku myaka 16 n’iminsi 83 akuyeho agahigo ka Celestine Babayaro ko mu 1994/95.
Yamine Lamal yabanje mu kibuga mu mukino wa mbere wa Champions League,ikipe ya FC Barcelona yo muri Espagne,yahuye na FC Porto kuri uyu mugoroba.
Ikipe ya FC Barca yatsinze umukino ku gitego 1-0 cyatsinzwe na Ferran Torres mu mpera z’igice cya mbere.
Yamal ukina asatira yerekeje mu bwiherero umukino ugeze hagati,ku munota wa 71 w’umukino,ntiyagaruka mu kibuga kugeza asimbuwe ku munota wa 80.
Ikipe ya FC Barcelona yamaze iminota icumi ikina ari abakinnyi icumi.
Umutoza Xavi yasobanuye uko byagendekeye uyu mwana nyuma y’umukino.
Yagize ati “Lamine Yamal ntabwo yari ameze neza.Yari arwaye ndetse yari amaze umwanya abimbwiye.
Nabonye amahirwe y’akaruhuko mubwira ko yajya mu bwiherero akagaruka vuba ariko nyuma baje kumbwira ko atashobora kugaruka mu kibuga.
Umutoza Xavi yagerageje kurwana n’igitego kimwe yatsinze kare atsinda uyu mukino wa kabiri wa Champions League.
Muri uyu mukino,umukinnyi wo hagati Gavi yahawe amakarita 2 y’umukino yavuyemo umutuku mu minota y’inyongera.
Gutsinda kwa Barcelona kwatumye iyobora Itsinda H n’amanota 6 kuko yatsinze imikino yombi imaze gukinwa.
Ku mugoroba wo kuri uyu wa 4 Ukwakira 2023, UEFA Champions League yari yakomeje hakina amakipe yo mu Itsinda E kugeza mu rya H.
Newcastle United yari imaze imyaka 21 idakina UEFA Champions League, yatsinze Paris Saint-Germain ibitego 4-1.
Atletico Madrid yatsinze Feyenoord ibitego 3-2, igira amanota ane inganya na Lazio yatsindiye Celtic muri Écosse ibitego 2-1.
Manchester City yakomeje kuyobora Itsinda G n’amanota atandatu, ikuye intsinzi y’ibitego 3-1 ku kibuga cya RB Leipzig naho FK Crvena Zvezda inganya na Young Boys ibitego 2-2.
Mu Itsinda H,Shakhtar Donetsk yatsindiye Royal Antwerp mu Bubiligi ibitego 3-2 mu mukino utangaje iyi kipe yari imbere y’abakunzi bayo yahushijemo penaliti ku munota wa nyuma.
Umunsi wa Gatatu w’Amatsinda ya UEFA Champions League ya 2023/24 uteganyijwe tariki ya 24 n’iya 25 Ukwakira 2023.
About Author
